“Milli Şura böyük bir koailisa yaradır. Bu hər millətin yarada bilmədiyi bir birlikdir”. Modern.az xəbər verir ki, bunu Milli Şuranın bu günkü iclasında AXCP sədri Əli Kərimli bildirib. O qeyd edib ki, Rüstəm İbrahimbəyovun namizədliyini irəli sürdüyü Cəmil Həsənli bu iş üçün tamamilə uyğun olan insanlardan biridir.
“Cəmil Həsənli Azərbaycanı dünyada tanıdan alimlərdən biridir”-deyən Ə. Kərimlinin fikrincə C. Həsənli Azərbaycanı beynəlxalq aləmdə kifayət qədər tanıtmaq istiqamətində işlər görür. “Milli demokratik düşərgənin içindən çıxmış, AXC tarixini, Qarabağ tarixini Azərbaycanın maraqlarını müdafiə edərək ortaya bəlli mövqe qoyub. Əbülfəz Elçibəyin müşaviri olub. Kifayət qədər siyasi təcrübəsi var. Milli Şuranın vahid namizədi ətrafında səfərbər olacağımız təqdirdə Azərbaycan xalqının köməyi ilə uğur qazanmaq imkanımız var”-deyə AXCP sədri vurğulayıb.
Aqşin Kərimov
