“İsa Qəmbərin prezident seçkilərində namizədliyini geri çəkməsi gözlənilən idi”. Bunu Modern.az-a açıqlamasında “Atlas” Araşdırmalar Mərkəzinin rəhbəri Elxan Şahinoğlu deyib.
Politoloq Müsavat başqanı İsa Qəmbərin Cəmil Həsənlinin xeyrinə namizədliyini geri götürməsi ilə bağlı məsələni şərh edərkən qeyd edib ki, Müsavat Divanın bugünkü qərarı əvvəlki qərarların məntiqi davamıdır.
“Əslində qeyri-adi, sıradan kənar hadisə baş verməyib. Müsavat Partiyası öncədən də qeyd edirdi ki, vahid namizədin müəyyən ediləcəyin halda İsa Qəmbər namizədliyini geri götürəcək. Buna görə də qəbul edilən qərar partiyanın elan etdiyi xəttə zidd deyil”.
Vüqar İsmayılov
