Avqustun 28-də İtaliyanın Venesiya şəhərində beynəlxalq kinofestival işə başlayır. Sayca 70-ci olacaq yubiley kinofestivalında 12 film əsas mükafat olan “Qızıl Şir” uğrunda mübarizə aparacaq. Modern.az xarici KİV-ə istinadən xəbər verir ki, Qalibləri nüfuzlu kinematoqrafçılardan ibarət olan beynəlxalq münsiflər heyəti müəyyən edir. Bu ilki münsiflər heyətinin rəhbəri italyan kinosunun əfsanəvi siması olan kinorejissor Bernardo Bertoluççidir. Onun köməkçiləri isə aktyor, operator və bəstəkarlardan ibarət 7 nəfərlik heyət olacaq. Xatırladaq ki, Venesiya kinofestivalının qalibləri sentyabrın 7-də elan olunacaqlar.
Modern.az əsas müsabiqədə iştirak edəcək filmlərin siyahısını təqdim edir:
“Zero Teoremi” –Terri Gilliam
“Gecə hərəkəti” – Kerri Rayhardt
“Mənim dərimdə ol” – Conatan Qleyzer
“Tanrı övladı” - Ceyms Franko
“Filomena” – Stiven Frirz
“Co” – Devid Qordon Qrin
“Külək Güclənir” – Xayao Miyadzaki
“Die Frau des Polizisten” –Filip Qreninq
“Ana Arabia” – Amos Gitay
“Donald Ramsfeldin dövrü və zamanı” – Errol Morris
“Sacro Gra” – Canfranko Rozi
“Jiaoyou” – Çay Minlyan
“Es-Stouh” – Merzak Alluaş
“L`interpido” – Canni Amelio
“Xanım zorakılıq” – Aleksandros Avranas
“Cığırlar” – Con Kerran
“Via Castellana Bandiera” – Emma Dante
“Tom fermada” – Ksavye Dolan
“Qısqanclıq” – Filip Qarell
“Parklend” – Piter Landesman
“İblisi qovanlar” filminin rejissoru Uilyam Fridkin kino nailiyyətlərinə görə, fəxri “Qızıl Şir” mükafatı ilə təltif olunacaq. Xatırladaq ki, bu kinofestivalda yeganə mükafat qazanana azərbaycanlı rejissor Murad İbrahimbəyovdur. 2003-cü ildə onun çəkdiyi “Neft” filmi Venesiya kinofestivalındakı qısametrajlı filmlər müsabiqəsində “Gümüş Şir” mükafatı əldə edib. 6 dəqiqəlik film Rusiya İmperiyası dövründə Bakı neft mədənlərindəki vəziyyəti sənədli kadrlarla nümayiş etdirir.
Vüqar İsmayılov
