“Hələ gənc yaşlarından siyasətdə olan Zahid Orucun 2000-ci ildə parlamentə deputat seçilməsi o zaman bizləri çox sevindirdi”. Bunu mətbuata açıqlamasında Qarabağ müharibəsi iştirakçısı, “Azərbaycan Bayrağı” ordeni ilə təltif olunmuş İbad Hüseynov dilə gətirib.
Onun sözlərinə görə, Z.Orucun deputatlığı Bərdə seçicilərinin maraqlarına cavab verməklə yanaşı, həm də mərhum prezident Heydər Əliyevin kursunu dönmədən mudafiə edən bir şəxsin siyasətə gəlməsi idi.
İ.Hüseynov bildirib ki, Azərbaycan gəncliyi hər zaman-bütün dönəmlərdə mərhum dövlət başçısı H.Əliyevin diqqət-nəzərində olub və onların içərisindən də ən layiqlilərini zaman-zaman irəliyə çəkib: “Belə layiqli gənclərimizdən biri də məhz Zahid Oruc idi və bu baxımdan, onun ən gənc yaşlarında
deputat seçilməsi heç şübhəsiz, bizlərin ürəyindən xəbər verirdi. Zahid Oruc dəyərli bir siyasət adamıdır. Onun hər bir uğuru da bizi sevindirir”. Z.Orucla münasibətlərinin də çox səmimi olduğunu və qarşılıqlı hörmət-ehtirama söykəndiyini bildirən keçmiş döyüşçü qeyd edib ki, onlar tez-tez bu və ya digər tədbirlərdə, təqdimat mərasimlərində bir araya gəlir, fikir mübadiləsi, səmimi söhbət və müzakirələr aparırlar: “ Bilirəm ki, Zahid Oruc mənim xətrimi çox istəyir, fəaliyyətimi qiymətləndirir. Elə mən də yuxarıda da qeyd etdiyim ki, hər zaman onun xətrini çox istəmişəm, ona hörmət-ehtiramla yanaşmışam və bu gün də belədir. Odur ki, ona gələcək siyasi fəaliyyətində də uğurlar arzulayırıq”.
Modern.az
