Modern.az payızda öz qurultayını keçirəcək AYB filiallarının daha birini tanıdır.
Gəncə filialının rəhbəri Məmməd Alim: “Hazırda 30-dan çox üzvümüz var. Ətraf rayonlardan da bölməmizə üzv olanlar var. Daşkəsəndən, Goranboydan, Şəmkirdən, Mingəçevirdən filialın tədbirlərinə gəlirlər. Şəhərin demək olar ki, bütün ədəbi mədəni tədbirlərində iştirak edirik. Bəzilərinin bədii ssenarilərini hazırlayırıq.
AYB- ilə də əlaqələrimiz yaxşıdır. Mən tez-taz ora baş çəkirəm, ordan da bura gəlirlər. İndi bu saat rəhmətlik folklorşünas alimimiz Sədnik Paşa Pirsultanlının dəfnindən gəlirik. Qeyd edim ki, onun ölüm xəbərini Bakıya, Yazıçılar Birliyinə və “Ədəbiyyat qəzeti”nə mən çatdırdım.
Filial həm də ziyalılarla paytaxt arasında ədəbi əlaqələri qorumaqda maraqlıdır. Otağımız da var. Bu yaxınlarda yeni inşa edilən Məhsəti Gəncəvi Yaradıcılıq Mərkəzinə köçməliyik“.
Elmin Nuri
