Milli Şuranın sədri, kinodramaturq Rüstəm İbrahimbəyovun prezidentliyə namizədliyinin irəli sürüldüyü qəbul olunmayıb.
Modern.az xəbər verir ki, bu barədə MSK-nın bu gün keçirilən iclasında bildirilib. Buna İbrahimbəyovun sənədlərinin qaydasında olmadığı əsas gətirilib.
MSK-nın bugünkü iclasında həmçinin öz təşəbbüsü ilə namizədliyini irəli sürən İlqar Məmmədovun prezidentliyə namizədliyi təsdiq edilib.
MSK katibi Arifə Muxtarova iclasda məlumat verib ki, Rüstəm İbrahimbəyovun namizədlyi üçün təqdim olunan sənədlər yoxlanılıb və namizədliyinin təsdiq edilməsi qeyri-mümkün sayılıb.
A.Muxtarova qeyd edib ki, sənədləri araşdırılarkən, Rüstəm İbrahimbəyovun Azərbaycan və Rusiya vətəndaşı olmaqla ikili vətəndaşlığı müəyyən edilib.
Modern.az
