“İlqar Məmmədovun azad edilməsi istisna deyil”. Bunu Modern.az-a açıqlamasında Konstitusiya Araşdırmaları Fondunun rəhbəri, hüquqşünas Əliməmməd Nuriyev deyib. Onun sözlərinə görə, məhkəmə qərarı çıxarılmadığına görə İlqar Məmmədov formal olaraq təqsirsizdir.
“İlqar Məmmədova qarşı ittiham irəli sürülüb. Amma bununla bağlı məhkəmə qərarı yoxdur. Buna görə də o, hüquqi baxımdan təqsirsiz şəxs sayılır. Yalnız məhkəmənin qanuni hökmü çıxdıqdan sonra onun prezident seçkilərində iştirakı ləğv edilə bilər”.
Qanunla müəyyən olunan miqdarda imza toplanacağı halda İlqar Məmmədovun namizədliyinin qeydə alınacağını bildirən hüquqşünasın sözlərinə görə, bu halda onu azadlığa çıxması istisna deyil. “Təbliğat-təşviqat kampaniyasında iştirak üçün İlqar Məmmədovun onun azadlığa buraxılması istisna deyil. MSK bu məsələyə baxa bilər. Çünki qanunvericilik bütün namizədlərə bərabər iştirak hüququ təmin edilməsini zəruri bilir”.
Vüqar İsmayılov
