Modern.az

Kollec imtahanlarının nəticələri açıqlandı

Kollec imtahanlarının nəticələri açıqlandı

Təhsil

27 Avqust 2013, 17:50

Tələbə Qəbulu üzrə Dövlət Komissiyası (TQDK) 9 illik ümumi təhsil bazasında orta ixtisas təhsili müəssisələrinə qəbul imtahanının nəticələrini açıqlayıb.

Modern.az-ın məlumatına görə, bu barədə TQDK-nın mətbuat xidmətindən xəbər verilib.

Tələbə Qəbulu üzrə Dövlət Komissiyası (TQDK) 2013-cü il avqustun 25-də 2013/2014cü tədris ili üçün ümumi orta təhsil bazasında (9 illik) orta ixtisas təhsili müəssisələrinə qəbul imtahanı keçirib. 

İmtahanda 36997 abituriyent iştirak edib.

Nəticələr avqustun 27-də saat 17:00-dan etibarən TQDK-nın rəsmi internet səhifəsində yerləşdirilib.

Abituriyentlər mobil telefondan iş nömrəsini 7727 nömrəsinə SMS-lə göndərməklə cavabları öyrənə bilərlər.

Abituriyentlərdən 52 nəfəri imtahan qaydalarına zidd hərəkətlərə yol verdiklərinə görə, imtahandan xaric olunub və nəticələri ləğv edilib.

Abituriyentərdən 13661 nəfəri orta ixtisas təhsili müəssisələrinə qəbul olublar.

Qəbul olanlar avqustun 29-dan sentyabrın 6-dək (şənbə və bazar günləri istisna olmaqla) sənədlərini daxil olduqları təhsil müəssisəsinə təqdim etməklə qeydiyyatdan keçməlidirlər.

Müəyyən olunmuş müddətdə qeydiyyatdan keçməmək abituriyentin müvafiq ixtisasa yerləşdirilməsindən imtina etməsi kimi qiymətləndiriləcək və onun qəbul haqqında əmri orta ixtisas məktəbinə göndərilməyəcək.

Aytən Əliyeva

Sizə yeni x var
Keçid et
Rusiyadan hücum - Bu dəfə Türkiyəni vurdular