“Azərbaycan tərəfi ilə razılaşdırılmadan işğal altındakı torpaqlarımıza edilən səfərlər qanunsuzdur. Bu bizim prinsipial mövqeyimizdir”. Bunu Modern.az saytına açıqlamasında XİN mətbuat xidmətinin rəhbəri Elman Abdullayev “Opora” qeyri-hökumət təşkilatının rəhbərliyinin işğal altında olan Azərbaycan torpaqlarına səfərini şərh edərkən deyib.
Qeyd edək ki, təşkilatın vitse-prezidenti Pavel Siqal qondarma “respublikada” keçirdiyi görüşlər zamanı qeyd edib ki, bu bölgəyə inkişaf proqramı təqdim etməyi planlaşdırır. Planın kiçik və orta sahibkarlığın inkişafına yönələcəyi vurğulanıb.
Aqşin Kərimov
