Tanınmış şair və rəssam Adil Mirseyid bu günlərdə ailəsi ilə birlikdə prezidentliyə namizəd Zahid Oruca imza verib.
Bu haqda prezidentliyə namizədin Seçki Qərargahının rəhbəri Ərəstun Əlioğlu məlumat verilib.
Qeyd edək ki, keçən əsrin 70-ci illərinin axırlarından dövrü mətbuatda şeirləri işıq üzü görən şairin "Azərbaycan" və "Ulduz" jurnallarında silsilə əsərləri dərc olunub. Şairin şeirləri rus, ingilis, fransız, alman, ispan, eston və sair dillərə tərcümə olunub.
O, "Nəğmə Adam", "Vernisaj şeirlər", "Hardan baxsan görünən adam", "Ay Suvarisi" kitablarının müəllifidir. A.Mirseyid Rəsul Rza mükafatının laureatıdır. Bununla yanaşı, A. Mirseyid incəsənətin və mədəniyyətin müxtəlif sahələrinə aid 200-dən artıq esse və məqalənin müəllifidir. Onun rəsm əsərləri Almaniyada, Rusiyada, Qırğızıstanda, İranda, Türkiyədə və Azərbaycanda şəxsi kolleksiyalarda saxlanılır.
Modern.az
