Gürcüstan prezidenti Mixail Saakaşvili İvanişvilinin onun barəsində qaldırdığı iddialara cavab verib. Modern.az gürcü mətbuatına istinadən bildirir ki, o, bir cinayətkar kimi müddəhim kürsüsündə əyləşməyəcəyini və onun haqqında ən doğru hökmü tarixin verəcəyini bildirib.
Xatırladaq ki, Gürcüstanın Baş naziri Bidzina İvanişvili ötən həftə Bloomberg nəşrinə müsahibəsində qanun qarşısında heç kimin istisna olunmadığını qeyd etmişdi. O, Vahid Milli Hərəkat partiyasının halimiyyəti dövründə Gürcüstanda elitar müstəvidə baş verən korrupsiya faktları ilə bağlı Saakaşvili məhkəmə qarşısına çıxarıla bilər.Və Saakaşvilinin cavabı:“Baxarıq kim kimi tutur. Mən İvanişvilininn zebrası və ya hansısa ev heyvanı deyiləm ki, məni tutaraq qəfəsə salsın. Birincisi bu onun arzusudur, ikinci məsələ isə bunun necə real ola biləcəyidir. Gürcü xalqı hər şeyi öz yerinə qoyacaqdır. O ki, qaldı mənə. Məni tarix mühakimə edəcək, da hansısa zoopark müdiri yox.”
Onun sözlərinə görə, onun həbsini arzulayanlar arasında Rusiya Federasiyasının prezidenti Vladimir Putin və Baş nazir Dmitri Medvedyev də var.
“ Putin birmənalı olaraq bildirib ki məni ölmüş halda görmək istəyir. Putin və Medvedyev bildiriblər ki, onlar o zaman məmnun olarlar ki, kimsə mənə alternativ olaraq çıxsın və məni saxlasın. Bu onlar üçün ona görə arzuolunandır ki mən sağ və azadlıqda olduğum müddətdə Putin postsovet məkanındakı hökmünü bərpa edə bilməyəcək”
Elçin MURAD
