“Milli Məclisin payız sessiyası sentyabrın 30-da başladığı üçün bu, prezident seçkilərində namizəd kimi iştirak edəcək deputatların iclaslarda iştirak məsələsində problem yaratmayacaq”.
Bu barədə Modern.az-a Milli Məclisdən məlumat verilib. Məlumatda bildirilib ki, prezident seçkiləri oktyabrın 9-da keçiriləcəyi üçün həmin vaxta qədər parlamentin yalnız bir iclası keçiriləcək.
“Həmin vaxtda yalnız bir iclas keçiriləcəyi üçün bu prezidentliyə namizədliyini irəli sürən deputatlar üçün problem yaratmayacaq. Milli Məclisin növbəti iclası seçkidən sonra olacaq”.
Qeyd edək ki, sentyabrın 15-dən komitələrin iclası, sentyabrın 30-dan isə Milli Məclisin payız sessiyasının plenar iclasları başlamalıdır.
Aytən ƏLİYEVA
