Gənc fəal Bəxtiyar Hacıyev profilində prezidentliyə namizədlərə ödənişli təşviqat imkanları (örtük və profil fotolarının dəyişməsi, foto, video və status paylaşmaq və s) təklif edib. Hətta bununla bağlı o, Mərkəzi Seçki Komissiyasına (MSK) məktub göndərib.
Mərkəzi Seçki Komissiyası Bəxtiyar Hacıyevin müraciətinə cavab verib. Komissiyanın mətbuat xidmətinin rəhbəri Azər Sarıyev Modern.az-a bildirib ki, bununla bağlı MSK-ya rəsmi müraciət daxil olmayıb.
“Human Capital Consalting adlı Məhdud Məsuliyyətli Cəmiyyətin adından elektorn müraciət ünvanlanıb. Amma bu rəsmi sənəd sayıla bilməz və eyni zamanda seçki qanunverciliyinin tələbinə görə, consaltinq şirkəti seçkiqabağı təşviqat apara bilməz. Qanunvericilikdə hansı subyektlərin seçkiqabağı təşviqat apara biləcəyi göstərilir. Bununla yanaşı, qeyd edim ki, sosail şəbəkələrlə bağlı sahəni tənzimləyən hər hansı bir hüquqi sənəd mövcud deyil və bildiyim qədər dünyanın heç bir yerində yoxdur. Sosial şəbəkələrin monitorinqinin həyata keçirilməsi isə praktiki olaraq mümkün deyil”-deyə MSK səlahiyyətlisi bildirib.
Gültəkin ƏLƏSGƏR
