“Oğlumun 2008-ci il ali məktəbə qəbulla bağlı problemini həll etdiyi üçün Zahid Oruca hər zaman ailəlikcə minnətdarıq və duaçıyıq”. Bunu mətbuata açıqlamasında Bərdə rayon sakini, sürücü Məsud Əliyev dilə gətirib. Onun dediyinə görə, sürücü işləməsinə baxmayaraq, hər zaman ictimai-siyasii xarakterli işlərdə, tədbirlərdə yaxından iştirak edib, fəallıq göstərib:
“ Zahid müəllim ikinci dəfə rayonumuzdan deputat seçilən zaman, yəni, 2005-ci il seçkilərində mən də bir seçici kimi fəal iştirak etmişəm. Çünki bu insana, bu kişiyə ailəlikcə çox böyük hörmətimiz vardı. O, birinci dəfə deputat seçiləndən bizim hamımızın, sadə bərdəlilərin seçimlisinə çevrilmişdi...Bir gün elə o oldu ki, daha doğrusu, 2008-ci ildə oğlum Əliyev Əfsəl ali məktəbə-İqtisad Universitetinə iş verəsi oldu. İmtahan götürən müəllim “b” variantını elan etsə də, necə olursa, oğlum “d” variantını işarəliyir. Ancaq “d” variantını “B” variantı kimi də kodlaşdırmaq düzgün deyil, ancaq oğlum həyəcandanmı, nədənsə, belə bir səhvə yol verməli olur. İmtahandan çıxandan sonra necə yazdığını soruşanda da oğlum dedi ki, ata, yaxşı yazmışam. Sonra rayona qayıdıb gələsi olduq və oğlum cavablarını müəllimlərinə də göstərdi.
Müəllimlər də dedi ki, ən azı 500-600 bal toplayıbsan. Ancaq imtahanın cavabları elan olunanda məlum olur ki, variantı düzgün kodlaşdırmadığına görə, oğlum cəmi 9 bal toplayıb. Bir də gördüm qızım ağlaya-ağlaya zəng edir ki, bəs, ata xəbərin var, Əfsəl cəmi 9 bal toplayıb. Dərhal evə gəldim.
Hamının da qanı qaraydı. Bir tərəfdən də yaxın qohumlarımızın itkisi bizi üzürdü, hamımız bunu şok kimi yaşayırdıq... Eyni zamanda, ola bilməzdi ki, oğlum cəmi 9 bal toplamış olsun. Nə isə oğlumu da götürüb Bakıya, TQDK-ya gəldim, bir nəfər müəllim var idi, ona dedim ki, bəs, variantı düzgün kodlaşdırmadığına görə, oğlum cəmi 9 bal toplayıb. Həmin adam isə çox soyuqqanlı şəkildə dedi ki, əşşi, bu il olmasın, gələn il olsun, artıq heç nə mümkün deyil.
Düzünü deyim ki, bu cavabdan çox hirsləndim və onunla aramızda gərginlik yarandı. Ancaq çox sağ olsun, rayonda qonşuluqda bir müəllimə var, dedi ki, Zahid müəllimə müraciət edin, o kömək edər. Beləliklə, yoldaşımla həmin qonşumu birlikdə Zahid müəllimin yanına-Bakıya yola saldım”. M.Əliyevin bildirdiyinə görə, onları çox çəmimi qarşılayan Z. Oruc məsələni araşdıracağını deyib və dərhal da telefonu götürüb TQDK-nın sədri Məleykə Abbaszadəyə zəng vurub, vəziyyəti ona izah edib:
“Çox sağ olsun, Məleykə xanım da onun müraciətinə obyektiv yanaşaraq komissiya yaratdı və məsələyə baxıldı. Üstündən iki-üç gün keçəndən sonra isə Zahid müəllim özü zənə vuraraq, hal-əhval tutdu və bildirdi ki, məsələ araşdırılıb və ədalət bərpa edilib, oğlunuz ali məktəbə qəbul olunub. Sevincimdən bilmirdim nə edim, nə deyim...
Oğlum isə artıq İqtisad Universitetinin beynəlxalq münasibətlər fakültəsini bitirərək, əsgəri xidmətini də bu yaxınlarda başa vurub və müsabiqə yolu “BankRespublika”nın rayon filialına işə düzəlib. Eyni zamanda, ikinci oğlum da bu il ali məktəbə qəbul olunub.
Bunları deməkdə məqsədim odur ki, Zahid müəllim hər zaman seçicilərinin əsl vəkili, parlamentdəki təmsilçisi olub. Ozünün sadəliyi, mehribanlığı, xeyirxahlığı ilə insanların qəlbində dərin yer tuta bilib. Dediyim kimi, əgər o zaman özümə qalsaydı, oğlum bəlkə də həmin il ali məktəbə qəbul olunmayacaqdı, ancaq çox sağ olsun, Zahid müəllimin sayəsində o zaman ailəmizə çox böyük sevinc bəxş olundu. Odur ki, ona hər zaman minnətdarıq, duaçıyıq və seçkilərdə də ailəmiz adından uğurlar arzulayırıq”.
Modern.az
