Prezident İlham Əliyev Azərbaycanın Milli Qəhrəmanı adı verilmiş şəxslərin sosial müdafiəsinin gücləndirilməsi barədə fərman imzalayıb.
Modern.az Prezidentin rəsmi saytına istinadən xəbər verir ki, ölkə başçısının fərmanı ilə Azərbaycanın Milli Qəhrəmanı adı verilmiş hər bir şəxs üçün Azərbaycan Respublikası Prezidentinin təqaüdünün aylıq məbləği artırılaraq 1000 (bir min) manat müəyyən edilib.
Dövlət başçısı İlham Əliyev digər fərmanla müharibə əlillərinə prezident təqaüdünü artırıb. Təqaüdün aylıq məbləği I qrup müharibə əlillərinə 110 manat, II qrup müharibə əlillərinə 85 manat, III qrup müharibə əlillərinə 60 manat müəyyən edilib.
Başqa bir fərmanla şəhid ailəsi üçün prezident təqaüdü 165 manatdan 200 manata yüksəldilib.
Modern.az
