ABŞ-ın Azərbaycandakı səfirliyi jurnalist Xədicə İsmayılova ilə bağlı bəyanat verib. Səfirlikdən Modern.az-a verilən məlumata görə, bəyanatda bildirilib ki, Amerika Birləşmiş Ştatları Azərbaycanda ifadə azadlığını dəstəkləyir.
"ABŞ-da və digər yerlərdə də olduğu kimi, bu azadlıq irgənc şəxsi hücumların ictimailəşdirilməsi üçün istifadə olunmamalıdır. Jurnalist Xədicə İsmayılovaya qarşı istiqamətləndirilmiş davamlı təhqiredici təqib bizi çox təlaşlandırır. Bu cür davranışlar dəhşət doğurur və dayandırılmalıdır.
Biz davamlı şəkildə təkid edirik ki, bu halın qanuni istintaqı Azərbaycan qanunvericiliyinə və beynəlxalq öhdəliklərə müvafiq şəkildə tamamlansın. Bunu etməklə Azərbaycan göstərəcək ki, ələlxüsus bu seçki ilində, qanunun aliliyini dəstəkləyərək və etik və möhkəm media mühitini təbliğ edərək, müxbirlərin haqq və təhlükəsizliyinin qeydinə qalır"-deyə bəyanatda qeyd edilib.
Anar RÜSTƏMOV
