“Amerika Suriyaya hücum etsə, bütün İsrail od tutub yanacaq”. Modern.az xəbər verir ki, Bunu İranın “Fars” agentliyinə açıqlamasında adı açıqlanmayan suriyalı hərbçi-general deyib. Onun sözlərinə görə, Suriyaya endiriləcək hər bir zərbəyə görə İsrail əzab çəkəcək. “Biz əminik ki, Amerika və müttəfiqləri bizə hücum etsə, İsrail torpağı od tutub yanacaq. Əgər Dəməşqə raket düşsə, Tel-Əviv buna görə cavab verəcək. İstənilən xarici təcavüzü dəf etməyə hazırıq”.
Bu arada Suriya rəhbərliyi Dəməşqdə yerləşən bir sıra hərbi obyektlərin yerini dəyişib. Personalı təxliyə olan komanda mərkəzlərinin yerinin dəyişməsi Amerikanın mümkün hava zərbələrindən qorunmaq üçün atılıb. Xatırldaq ki, Amerika Hərbi Dəniz Qüvvələrinin 4 aviadaşıyıcısı Aralıq dənizinin Suriya sahillərinə yaxın mövqe tutub. Tezliklə, onlara Britaniya və Fransa hərbi gəmilərinin də qoşulacağı deyilir.
Vüqar İsmayılov
