““Cavad xan” filmi üçün ayrılan ən az məbləğ idi. Bu cür filmi çəkməkdən ötrü gərək ondan 10 dəfə artıq pul olsun”. Bu sözləri Modern.az-a açıqlamasında Rövşən Almuradlı deyib. O, aktyor İlqar Cahangirovun ““Hökmdarın taleyi”, “Cavad Xan” filmlərin hamısı, sıfırdan aşağı səviyyədədir. O qədər pula ondan yüz dəfə maraqlı, mübariz, bu günkü gənclikdə ruh oyada biləcək filmlər çəkmək olar. Amma bizimkilər pulları göyə sovurur” sözlərinə bu cür münasibət bildirib.
R. Almuradlı İlqar Cahangirovu qeyri-peşəkarlıqda ittihamlayıb. “O, kino bilicisi deyil. Hörmət etdiyim aktyordur. Amma aktyor düşüncəsi ilə fikirləşir. Maliyyə məsələlərinə gəlincə, bunu Mədəniyyət və Turizm Nazirliyindən, eyni zamanda kino iqtisadiyyatı ilə məşğul olan insanlardan öyrənmək olar ki, bu cür filmlərə adətən nə qədər pul xərclənir. Cavan oğlandır, ona və sənətinə hörmət edirəm, nəsə deyibsə də, eybi yox, bağışlayıram”.Aytən ƏLİYEVA
