Ukrayna prezidenti Viktor Yanukoviç Gömrük İttifaqının bir sıra qərarlarına qoşulacaqlarını bir daha təsdiq edib. Modern.az bildirir ki, bu barədə prezident Ukrayna televiziyasına müsahibəsində bildirib.
“Ukrayna Gömrük İttifaqının Avropanın da razı olduğu və beynəlxalq ticarət təşkilatının qaydalarına zidd olmayan bir neçə qərarına qoşulmağa hazırıdır”- deyə Yanukoviç müsahibəsində deyib.
Xatırladaq ki, Ukrayna Avropaya inteqrasiyays kursu götürüb və noyabr ayında Vilnüesdə keçiriləcək “Şərq Tərəfdaşlığı” sammitində Avropa İttifaqı ilə azad ticarət zonasının da daxil olduğu assosativ üzvlük müqaviləsini imzalayacaq. Moskva isə Ukraynadan Gmrük İttifaqı ilə bağlı konkret mövqe bildirməyi tələb edir.
Modern.az
