Açıq Cəmiyyət Partiyasının (ACP) sədri, eks-spiker Rəsul Quliyevin Facebook sosial şəbəkəsində yazdığı son status bəzi istifadəçilərin qınağına səbəb olub. Paylaşdığı statusla tarixin keçmiç səhifələrinə ekskurs edən Rəsul Quliyevin ölkəmizdəki ictimai-siyasi vəziyyət dura-dura Misir, Tunis hadisələrinə rəy bildirməsinə gənclər etiraz edib, eks-spikeri mənasız bəyanatlar verməkdə suçlayıblar.
Statusunda saysız-hesabsız iradlara tab gətirməyən R.Quliyevin gənclərə cavabı sərt olub. O Azərbaycan gəncliyinə yazığının gəldiyini deyib:
“Yazılardan görsənir ki, 90 faiz mənim yazımı oxumadan ağzına gələni yazır. Belə övladların çox olduğu bir ölkədə bu hakimiyyət əbədidir. Sözsüz mən həmin 10 faiz üçün yazıram bu yazıları. Oxumayıb hətərən-pətərən yazanlardan da incimirəm, sadəcə yazığım gəlir. Biri yazır Rəsul bəy köhnə söhbətlərdir, soruşsan nədir köhnə söhbət, gözlərin tavana tikəcək. O birisi deyir ki, mən axırıncı dəfə hansı kasıbla görüşmüşəm. Bu yazıq hələ də anlamayıb ki, mən Azərbaycanda ümumiyyətlə kasıbın olmamağı üçün çalışıram”-deyə eks-spiker onu tənqid edən gənclərə cavabınba vurğulayıb.
Anar RÜSTƏMOV
