Modern.az-ın sorğusuna cavab olaraq Təhsil Nazirliyindən bildirilib ki, 2013-2014-cü tədris ilinə hazırlıq tədbirləri çərçivəsində Bakı şəhəri və regionlarda 123 yeni məktəb binasının və 13 mövcud məktəbdə əlavə tədris korpuslarının tikintisi, 115 məktəbdə əsaslı təmir işləri həyata keçirilir. Bakı şəhəri üzrə isə 164 məktəbdə isə cari təmir işləri başa çatdırılacaq.
Məlumatda həmçinin qeyd edilib ki, ümumtəhsil məktəbləri üçün 2013-2014-cü tədris ilinə çapı nəzərdə tutulmuş dərslik və müəllim üçün metodik vəsaitlər (139 adda) artıq hazırdır və onların böyük əksəriyyəti yerlərə çatdırılıb. Qalan hissə isə tədris ili başlananadək ünvanlarına çatdırılacaq.Aytən ƏLİYEVA
