Bu il işə qəbul edilən müəllimlər arasında qadınlar yenə üstünlük təşkil edir. Modern.az Təhsil Nazirliyinə istinadən bildirir ki, bu işə qəbul olunan müəllimlərin 75,7 faizi qadın müəllimlərdir. Yəni işə qəbul olunan 1474 nəfərdən 1116 nəfəri qadınlardır. Nazirlik eyni zamanda vakant müəllim yerlərinin hansı prinsiplə formalaşması məsələsinə də aydınlıq gətirib.
Məlumatda bildirilir ki, ötən illə müqayisədə cari ildə ümumtəhsil məktəblərində vakant müəllim yerlərinin sayının müəyyən qədər artması onunla bağlıdır ki, əvvəlki illərdə 6-11 saat dərs yükü vakant hesab edilmirdi. “Nəzərə alaraq ki, bu həcmdə dərs yükü ixtisas üzrə müəllim olmayan kiçik məktəblərdə mövcuddur. Bu il isə həmin yerlər də vakant yer kimi elan edildi ki, dərs yükü az olsa da, ixtisas müəllimi tərəfindən tədris edilsin”.
Aytən ƏLİYEVA
