Modern.az xəbər verir ki, avqustun 26-da Gürcüstanın Ahıska bölgəsininin Adıgün rayonunun Çala kəndindəki məscidin sökülən minarəsi keçirilən etiraz aksiyalarından sonra geri qaytarılıb və kənd yaxınlığındakı anbara yerləşdirilib. Lakin onun yenidən məscidin yanında ucalması məsələsi hələ ki qeyri-müəyyənliyini saxlayır. Yerli “Samxretis Karibça” qəzetinin verdiyi məlumata görə, bir neçə yük maşını minarənin konstruksiyasını Çela kəndinin bir neçə kilometr yaxınlığına gətirib. Həmin ərazi polis tərəfindən qorunur. Minarə Gürcüstan Maliyyə Nazirliyi Gəlirlər Xidmətinin minarənin sökülməsi məsuliyyətini öz üzərinə götürdüyünü bildirən bəyanatından iki gün sonra kəndə geri qaytarılıb. Bəyanatda minarənin metal konstruksiyasının ekspertizasının yekunlaşdığı və minarənin yerinə qaytarılacağı da bildirilirdi.
Çela kəndindəki məscidin tikintisinə 2012-ci ildən başlanılıb, 24 metr hündürlüyü olan minarə isə Türkiyəyə sifariş olunub. Avqustun 26-da Gürcüstanın Maliyyə Nazirliyinin Vergilər Xidmətinin xüsusi təyinatlıları kəndə gələrək minarəni söküblər. Buna səbəb kimi Minarənin Gürcüstana Gömrükdən qeyri-səhih sənədlərlə buraxılmasını göstəriblər.
Nəticədə müsəlmanların etiraz aksiyaları başlayıb və davam etməkdədir. Məcsidin minarəsinin sökülməsi ilə bağlı Gürcüstan Türkləri Konfederasiyasının (GTK) prezidenti Namiq Əhmədov bəyanatla çıxış edib. Bəyanatda deyilir: “Gürcüstan dini zəmində daima tolerant bir ölkə kimi tanınıb. Son zamanlar bəzi milliyətçi və ultraşovinist qrupların amti-müsəlman addımları bizi narahat edir. Ahıskanın Çala kəndindəki minarənin uçurulması müsəlmanlara və tarixi
abidələrə qarşı yönəlmiş xüsusi bir təxribat aksiyasıdır. Bu addımı atan dairələr pravoslav gürcülərlə müsəlman gürcü, türk, kist, çərkəz və acarlar arasında dini zəmində konfilikt yartmağa cəhd edirlər. Prezident seçkisi öncəsi belə bir təxribatın həyata keçirilməsi daha böyük təxribat planının başlanğıçıdır. Gürcüstan Türkləri Konfederasiyası (GTK) anti-müsəlman hərəkətləri pisləyir və minarənin uçurulmasında edən şəxslərin cəzalandırılmasını tələb edir. Məcsidi ucurmağa cəhd belə vəhşilik əlamətidir. Gürcüstan höküməti gecikdirmədən bu prosesin qarşısını almalıdır. Əks-təqdirdə daha böyük təxribatların qarşısı alınmaz olacaq”.
Modern.az
