Arif Hacılı ALP sədri Əvəz Temirxanın Müsavat Partiyası haqda səsləndirdiyi fikirlərə sərt reaksiya verib. Modern.az-ın məlumatına görə, A.Hacılı ALP sədrinin ittihamlarına cavabında Lalə Şövkətin Milli Şuradan çıxması məsələsinə toxunaraq onun heç vaxt Milli Şurada olmadığını deyib:
-Demokratik Qüvvələrin Milli Şurası 2013 cü il prezident seçkilərində demokratik düşərgənin birgə fəaliyyətinə nail olmaq,müxalifətin vahid namizədini müəyyənləşdirmək,vahid namizəd ətrafında ölkənin protest elektoratını birləşdirmək və bu yolla avtoritar rejimə son qoymaq məqsədi ilə yaradılıb. Əsas hədəf budur.
Biz bütün fəaliyyətimizi, resurslarımızı müəyyən etdiyimiz aydın məqsədə xidmətə yönəltmişik.
Qərargahımız namizədimizin qərargahı ,işçimiz işçisi,otağımız otağıdır.
Minlərlə üzvümüz bu işdə birbaşa,həm də təmənnasız çalışır; tanıtdırır,təbliğ edir,imza toplayır,sonuncu manatını taksiyə verib daha 5 imza yığmaq üçün kəndə gedir, bu işləri gördüyü üçün təqib olunur,onu incidirlər, bir bəhanə ilə münüqişəyə cəlb edirlər,söz atırlar,amma onlar bu yolla imza vərəqini əllərindən alarlar deyə susurlar , dözürlər.
Lalə Şövkət isə Milli Şuradan çıxır. (əslində heç daxil də olmamışdı) Müsavata etiraz edir.
Bu işdə iştirakınız nədir? Heç olmasa yığdığımız 44 min imzanın içində imzanız varmı?
Hansı haqla "Müsavat Milli Şuranı dağıtmaq istəyir" deyirsiniz ?
Müsavat olmasa,bütün bunlar,əsasən bu fədakar insanlar olmasa nə Milli Şura, nə seçki,nə müxalifət ?
Ya ortaya siz də bir şey qoyun,ya az,ya çox nəsə dəstək verin, ya da susun, pozuculuğa son verin!!”
Modern.az
