ATƏT-in Minsk Qrupunun amerikalı yeni həmsədri Ceyms Uorlik yaxın günlərdə Dağlıq Qarabağ bölgəsinə səfər edəcək. Modern.az-ın məlumatına görə, bu barədə həmsədr özünün twitter səhifəsində bildirib.
Həmsədr yaxın günlərdə Azərbaycan və Ermənistana səfər edəcəyini qeyd edib.
C.Uorlik vəzifəsinin icrasına sentyabrda başlayacaq. Həmsədr bundan əvvəl ABŞ prezidentinin Əfqanıstan və Pakistan üzrə xüsusi nümayəndəsinin müavini vəzifəsində çalışıb və ABŞ-la Əfqanıstan arasında təhlükəsizlik razılaşması üzrə əsas müzakirəçilərdən biri olub. Bunadək o, ABŞ-ın Bolqarıstanda səfiri (2009-2012-ci illərdə) olub və Dövlət Departamentində məsul vəzifələrdə çalışıb.
Modern.az
