Bu gün uşaqların yay istirahətinin təşkili və ya asudə vaxtlarının səmərəli keçirilməsi ürəkaçan vəziyyətdə deyil. Sovet döründə uşaqlar yay istirahətləri zamanı müxtəlif pioner düşərgələrinə göndərilir və ya onların asudə vaxtlarının səmərəli təşkil edilməsi üçün ekskursiyalar təşkil edirdi. Artıq bu məsələ də öz həllini tapacaq.
Belə ki, Milli Məclisin Sosial siyasət komitəsinin sədri, millət vəkili Hadı Rəcəbli Modern.az-a açıqlamasında bildirib ki, komitədə uşaqların istirahəti haqqında qanun layihəsi gündəmə gəlir.
“Layihənin üzərində hələlik işləyirik. Burada uşaqların yay tətillərinin, asudə vaxtlarının səmərəli təşkili kimi məqamlar qeyd olunub. Eyni zamanda sahibkarlıq fəaliyyəti ilə məşğul olanların işə götürdüyü işçilərin əmək müqavilələrində onların uşaqlarının istirahətinin təşkili məsələsi də yer alıb”.
