“Mən onun ölümünə təəssüflənirəm. Bu xəbəri eşitmək mənim üçün ağır oldu”. Bunu Modern.az saytına açıqlamasında “91-lər” siyahısında yer alan, hazırda təhsil üzrə ekspert Şahlar Əsgərov keçmiş həmkarı Sirus Təbrizlinin ölüm xəbərinə münasibət bildirərkən deyib.
O, S. Təbrizlinin Azərbaycan ictimai-siyasi tarixindəki fəaliyyətini qiymətləndirərkən qeyd edib ki, o tanınmış jurnalist və ictimai xadim olmaqla yanaşı, Azərbaycanın azadlığı uğrunda da fəal mübarizə aparıb. “Bu acı xəbəri üzüntü ilə qarşılayıram. Bu saat danışmaq mənim üçün çətindir. Sirus Təbrizlinin tarixdə yadda qalan əməlləri olub. Allah rəhmət eləsin!”-deyə Ş. Əsgərov təəssüfünü dilə gətirib.
Xatırladaq ki, 1992-ci ilin 16 oktyabrında 91 nəfər ziyalı Naxçıvan Ali Məclisinin sədri Heydər Əliyevə müraciət edərək onu Azərbaycanda hakimiyyət uğrunda açıq və fəal mübarizəyə səsləyib. Həmin şəxslər vaxtilə Yeni Azərbaycan Partiyasının “qızıl fondu” elan olunmuşdular.Aqşin Kərimov
