Liberal Partiyanın sədri Əvəz Temirxan Müsavat Partiyası ilə qarşılıqlı ittihamlara son qoymaq barədə öz tərəflərindən qərar qəbul etdiklərini bildirib.
Modern.az-ın məlumatına görə, Ə.Temirxan bununla bağlı açıqlamasında bildirib:
”Əldə olunmuş razılığa görə, birinci gün ALP lideri, professor Lalə Şövkət və Milli Şuranın prezidentliyə vahid namizədi, professor Cəmil Həsənli görüşəcəklər.
Cəmil bəyin istəyini nəzərə alaraq, biz bu andan Müsavat başqanı İsa Qəmbərin və onun tərəfdarların bizim ünvanımıza böhtanlarına cavab verməyə birtərəfli qaydada məhdudiyyət qoyuruq.
İnanmıram ki, İsa Qəmbər və onun tərəfdarları da eyni addımı atacaqlar.
Mətbuatı izləyin və buna əmin olun”.
Ə.Temirxanın sözlərinə görə, bu günlərdə bir neçə televiziya onu efirə çağırıb və İsa Qəmbərlə münasibətləri haqda danışmağı təklif edib.
"Bu günlərdə bir neçə iqtidar televiziyası məni efirə çağırdı və İsa Qəmbərlə münasibətimiz haqda danışmağı təklif etdi. Mən imtina etdim, amma, Rauf Arifoğlu...
Cəmil Həsənliyə verdiyimiz sözə sadqik. Ona görə susuram".
Qeyd edək ki, son iki gündə Liberal Partiya ilə Müsavat finksionerləri mətbuatda və sosial şəbəkələrdə bir-birlərinin ünvanına kəsin ittihamlarla çıxış edirlər. Qarşılıqlı “söz atışmaları”nda hətta təhqirlərə də yol verilib.
A.Qorxmaz
