Milli Şuranın prezidentliyə vahid namizədi Cəmil Həsənlinin imza vərəqləri sentyabrın 8-də Mərkəzi Seçki Komissiyasına (MSK) təqdim olunub. Modern.az saytının xəbərinə görə, bu barədə Cəmil Həsənlinin Seçki Qərargahından məlumat verilib.
Seçki Qərargahının Müsavatdan olan rəhbəri Arif Hacılı bildirib ki, 893 imza vərəqində 44 min 595 imza toplanıb. İmzalar bütün 125 seçki dairəsi ərazisindən torlanıb.
”Qanunla 60-dan çox dairənin ərazisindən 50 və daha artıq imza toplanması tələb olunur. Seçki qərargahı 120 seçki dairəsi ərazisindən 50 və daha artıq imza toplanmasını təmin edib. Bütün işlər qanunvericiliyə uyğun, həm də yüksək peşıkarlıqla həyata keçirilib”-deyə Arif Hacılı qeyd edib.
A.Qorxmaz
