Azərbaycan milli azadlıq hərəkatında fəal iştirak etmiş, YAP-ın qurucularından olan mərhum Suris Təbrizli torpağa tapşırıldı.
Modern.az saytı musavat.com-a istinadən xəbər verir ki, hakim YAP-ın qurucularından olan eks-nazir Sirus Təbrizli 8 sentyabr saat 15.00 radələrində II Fəxri xiyabanda torpağa tapşırılıb. Dəfndə iqtidar və müxalifət düşərgəsinin tanınmış simaları iştirak ediblər.
Belə ki, dəfndə Milli Şuranın prezidentliyə vahid namizədi Cəmil Həsənli, YAP-ın sədr müavini Əli Əhmədov, Diasporla İş üzrə Dövlət Komitəsinin sədri Nazim İbrahimov, AMİP lideri Etibar Məmmədov, prezidentin şəxsi mühafizə xidmətinin rəhbəri general Bəylər Əyyubov, Bakı Şəhər İcra Hakimiyyətinin başçısı Hacıbala Abutalıbov, deputatlar Eldar İbrahimov, Mübariz Qurbanlı, tanınmış politoloq Mübariz Əhmədov, vəkil Aslan İsmayılov iştirak edib.
Qeyd edək ki, sabiq nazirə öncə II Fəxri Xiyabanın girişində məzar yeri qazılıbmış. Lakin Sirus Təbrizlinin ailəsi onun son arzusunun yerinə yetirilməsini istəyib. Mərhum eks-deputat Anar Məmmədxanovla dost olan Sirus Təbrizli onun yanında dəfn olunmasını istəyibmiş. Onun son arzusu yerinə yetirilib.
Modern.az
