Bu gün (08 sentyabr 2013) Vətəndaş və İnkişaf Partiyasının sədri, prezidentliyə namizəd Əli Əliyevin namizədliyinin müdafiəsi üçün toplanmış imzalar və qanunvericiliyin tələblərinə uyğun olaraq müvafiq sənədlər Mərkəzi Seçki Komissiyasına (MSK) təqdim edilib.
Bu barədə Modern.az-a Əli Əliyevin seçki qərargahından məlumat verilib. Ölkənin 125 seçki dairəsinin 118-nin ərazisindən toplanmış 45000 imza 3 gün müddətində namizədin seçki qərargahının işçi qrupu tərəfindən yoxlanılıb. Nəticədə işçi qrup 88 dairəni əhatə etməklə 42634 imzanı etibarlı sayaraq MSK-a təqdim edib.
Qeyd edək ki, Əliyev Əli Nadir oğlunun namizədliyi Vətəndaş və İnkişaf Partiyası tərəfindən irəli sürülüb.
Modern.az
