Dünən sentyabrın 9-da prezidentliyə iddiaçıların imza vərəqələrinin MSK-ya təqdim edilməsi üçün qoyulan müddət başa çatdı. Modern.az xəbər verir ki, prezidentliyə namizədliyinin irəli sürüldüyü təsdiqlənmiş 22 nəfərdən 14-ü imza vərəqələrini MSK-ya təqdim edə bilib.
Bunlarda isə 3 nəfərin prezidentliyə namizədliyi qeydə alınıb.
YAP sədri İlham Əliyev, Ümid Partiyasının sədri İqbal Ağazadə və deputat Zahid Oruc prezidentliyə namizəddirlər.
MSK hazırda Əhməd Oruc, Fuad Əliyev, Əli Əliyev, Araz Əlizadə, Qüdrət Həsənquliyev, Hafiz Hacıyev, Fərəc Quliyev, İlyas İsmayılov, İlqar Məmmədov, Cəmil Həsənli və Sərdar Cəlaloğlunun topladığı imzaları yoxlayır.
MSK-dan bildirilib ki, bu həftə ərzində bütün digər iddiaçıların sənədləri araşdırılacaq və onlardan kimin namizəd olub-olmayacağına aydınlıq gətiriləcək.
Qeyd edək ki, gələn həftədən – 16 sentyabrdan prezidentliyə namizədlərin seçki təşviqatına start veriləcək.
Modern.az
