Hakim Yeni Azərbaycan Partiyasının (YAP) prezident seçkiləri ilə bağlı seçki şüarları, təbliğat-təşviqat materialları tam hazırdır. Bunu Modern.az saytına açıqlamasından YAP-ın icra katibinin müavini, deputat Siyavuş Novruzov bildirib.
Partiya funksionerinin sözlərinə görə, YAP seçki hazırlığını başa vuraraq prosesə tam hazırdır:
“Biz demək olar ki, lazım olan işlərimizi qurtarmışıq. Bizim namizədimiz rəsmi şəkildə qeydiyyatdan keçib. Seçki Məcəlləsinə uyğun olaraq təbliğat-təşviqat kampaniyası ayın 16-dan başlayacaq. Bununla bağlı biz qrafiklərimizi də müəyyənləşdirmişik. Bizim təbliğat və təşviqat materialları hazırdır. Seçki şüarlarımız, o cümlədən əsas şüarımız da hazırdır. Əsas şüarımız plakatlarda yer alacaq. Bunu açıqlamaq hələ tezdir”.
Namizədin vəkillərinin seçilməsinə gəlincə, S.Novruzov bildirib ki, prezident İlham Əliyevin vəkili xalqdır.
“Bütün Azərbaycan xalqı, Azərbaycan seçicisi bizim namizədimizin vəkilidir. Vəkillərin müəyyən edilməsi ilə bağlı heç bir problem yoxdur”.
Anar RÜSTƏMOV
