Bu gün Horadiz şəhərində işğal dövrü dagıdılmış daha bir küçənin əsaslı təmir və bərpadan sonra açılışı olub. Uzunluğu 3 km olan küçə müasir dizayna uyğun bəzədilmiş, geniş abadlıq-quruculuq işləri aparılıb, elektrik kabelləri yeraltı sistemlə çəkilib, müasir elektrik dirəkləri quraşdırılıb, yerli şəraitə uyğun müxtəlif ağac və gül kolları əkilib. Bu barədə Modern.az-a Füzuli rayon İcra Hakimiyyətindən məlumat verilib. Bildirilib ki, açılışda rayon İcra Hakimiyyətinin başçısı Alı Alıyev, rayonun idarə, müəssisə, hüququ-mühafizə orqanları rəhbərləri və rayon ictimaiyyəti iştirak edib. Tədbirdə çıxış edən küçə sakinləri Füzuli rayonuna göstərdiyi diqqət və qayğıya görə ölkə başçısına minnətdarlıqlarını bildiriblər.
Hazırda Horadiz şəhərinin daha 2 küçəsində təmir və bərpa işləri aparılır və yaxın vaxtlarda işlər başa çatdırılaraq küçə sakinlərin istifadəsinə veriləcək. Tədbirdə 350-400 nəfər iştirak edib.
