Paytaxt sakinləri tez-tez Dövlət Yol polisi əməkdaşlarının yüksək səs siqnalları ilə hərəkət etməsiylə bağlı şikayətlər edir. Bununla bağlı Modern.az-a açıqlamasında Dövlət Yol Polisi İdarəsinin şöbə rəisi Kamran Əliyev yol polislərinin xidməti maşınlarında quraşdırılan səs siqnallarının Avropa ölkələri ilə müqayisədə daha komfortlu olduğunu bildirib.
“Azərbaycanda yol polisləri xaricdə istehsal olunmuş operativ siqnal sistemlərindən istifadə edirlər. Xidməti zərurətlə bağlı siqnaldan istifadə olunur. Avropa ölkələri ilə müqayisə etsək, Bakı çox sakit şəhərdir. Xarici ölkələrdə olduğum üçün deyə bilərəm ki, orada mülki polis yaxud təcili yardım maşını şəhər boyu yüksək səsli siqnalları ilə hərəkət edir”.
