Azərbaycan Respublikası Xarici İşlər Nazirliyi (XİN) 2013-cü ilin oktyabr ayının 9-da ölkəmizdə keçiriləcək prezident seçkilərinə müşahidəçi qismində iştirak etmək üçün bir sıra beynəlxalq təşkilatlara rəsmi dəvət göndərib. Bu barədə Modern.az saytına nazirliyin mətbuat xidmətinin rəhbəri Elman Abdullayev məlumat verib.
XİN rəsmisinin nazirlik tərəfindən 7 beynəlxalq təşkilata artıq dəvət göndərildiyini qeyd edib:
1.Avropada Təhlükəsizlik və Əməkdaşlıq Təşkilatı (ATƏT)
2. GUAM
3. Müstəqil Dövlətlər Birliyi (MDB)
4. Birləşmiş Millətlər Təşkilatı (BMT)
5. İslam Əməkdaşlıq Təşkilatı (İƏT)
6. Türkdilli Dövlətlərin Əməkdaşlıq Şurası
7. Qara Dəniz İqtisadi Əməkdaşlıq Təşkilatı (QDİƏT)
E.Abdullayevin sözlərinə görə, bu təşkilatlara Xarici İşlər Nazirliyi tərəfindən dəvət göndərilib ki, oktyabrın 9-da Azərbaycanda keçiriləcək prezident seçkilərində müşahidəçi qismində öz nümayəndələrini göndərsinlər və müşahidəçilik missiyasını yerinə yetirsinlər.
Anar RÜSTƏMOV
