Modern.az Rusiya KİV-lərinə istinadən xəbər verir ki, sentyabrın 8-də Moskva şəhərində Rusiya polisinin və xüsusi təyinatlılarının keçirdikləri xüsusi əməliyyat nəticəsində 32 yaşlı azərbaycanlı “qanuni oğru” Ülfət Tağıyev həbs olunub. Kriminal aləmdə daha çox “Gəncəli Rufo” kimi tanınan Ü. Tağıyev ötən ilin dekabrından Əliyev soyadlı biznesmen həmyerlisinin qətlinə görə beynəlxalq axtarışda idi. Lakin hüquq-mühafizə orqanlarının qənaətinə görə, bu Ü. Tağıyevin törətdiyi cinayətlərdən yalnız bir epizoddur. Onların fikrincə, azərbaycanlı “qanuni oğru” Aslan Usoyana qarşı qəsddə əsas təşkilatçılardan olub.
“Gəncəli Rufo” Rövşən Canıyevin (Lənkəranski) iki ən yaxın köməkçisindən biridir. Canıyevin digər köməkçisi isə “Beyləqanlı Hacı” adı ilə tanınan Hacıbaba Talıbxanlıdır. Hüquq-mühafizə orqanlarının məlumatına görə, hər iki şəxs Rövşən Caniyevin cangüdəni olub və onun maraqlarına toxunan şəxslərin öldürülməsinə nəzarət ediblər.
Caniyevə gəlincə isə o, İtaliya polisi tərəfindən reket və çirkli pulların yuyulmasında ittiham olunaraq İnterpol xətti ilə beynəlxalq axtarışa verilib.
Vüqar İsmayılov
