Bu gün Azərbaycan Vətən Müharibəsi Veteranları Birliyinin Səbail rayon təşkilatında Qarabağ döyüşçüsü İbad Hüsüynovla görüş olub. Dövlət səviyyəsində hələki Milli Qəhrəman statusu almasa da döyüşçü xalq arasında Milli Qəhrəman kimi tanınır. Qarabağ müharibəsi iştirakçıları və İbad Hüseynovun cəbhə dostlarının qəhrəman haqqında danışdıqları döyüş xatirələri mətbuatda və eləcə də xalq arasında geniş yayılıb.
Modern.az xəbər verir ki, birliyin sədri Fizuli Rzaquliyev və digər Qarabağ müharibəsi veteranları görüşdə İbad Hüseynovun Qarabağ müharibəsində göstərdiyi qəhrəmanlıq və şücaəti bir daha nəzərə alınması və qiymətləndirilməsi istiqamətində təbliğata ehtiyac olduğunu vurğulayıblar. Tədbirdə iştirak edən veteranlar və eləcə də şəhid ailələri İbad Hüseynova Milli Qəhrəman adının dövlət səviyyəsində rəsmən təqdim edilməsinin tərəfdarı olduqlarını deyiblər.
Elçin MURAD
