ABŞ-dakı Massaçusets Texnologiya İnstitutu (MİT) dünyanın ən yaxşı universitetidir. Harvard Universiteti ikinci, Kembric isə 3-cü sıradadır. Bu barədə “Azadlıq” radiosunun yaydığı məlumatda bildirilib.
ABŞ və Britaniya öndə
QS Quacquarelli Symonds şirkətinin hər il tərtib elədiyi 3000 təhsil məktəbi siyahısında ABŞ və Britaniya universitetləri ön sıralarda gedir.
İlk onluqda Britaniyanın 4 məktəbi var. Kembric 3-cü, London Universitet Kolleci 4, İmperial Kollec 5, və Oksford 6-cı sıradadır.
Ilk onluqda növbəti yerləri ABŞ-dan Stanford, Yale, Çikaqo, Kaliforniya Texniki Universiteti və Prinston Universitetləri tutur.
Ən yaxşı ali məktəblər haradadır?
Ümumilikdə 200 ali məktəb arasında 51 ABŞ, 29 Britaniya, 8 Çin, 13 Almaniya, 11 Hollandiya, 10 Avstraliya, 9 Yaponiya, 9 Kanada, 8 Koreya, 7 İsveçrə, 6 Belçika, 5 Fransa, 3 Sinqapur, 2 İtaliya, 3 İspaniya, 2 Çexiya universiteti var.
İlk 200 arasında ancaq Rusiya
İlk 200 universitet arasında Azərbaycanın qonşuları və post sovet məkanından bu siyahıda ancaq bir universitet var – Moskvadakı Lomonosov adına Moskva Dövlət Universiteti, o da 120-ci sırada.
Azərbaycan universitetləri
Azərbaycan ali təhsil məktəblərindən ancaq 3-ü 3 min ali məktəb arasına düşüb. Xəzər və Qafqaz Universitetləri 651-700-cü sıralarda, Bakı Dövlət Universiteti isə 701-ci sırada yer alıb.
Azərbaycanın qonşularında ali təhsil
Ermənistan və Gürcüstanın heç bir ali məktəbi 3 minlik siyahıya düşməyib.
Türkiyədən 9 Universitet 3 minlik siyahıdadır. Bilkent Universiteti və Orta Şərq Texniki Universiteti 431-ci yerdədir.
İrandan Şərif Texnologiya Universiteti və Tehran Universiteti Azərbaycan ali məktəblərindən bir az öndə, 601-650-ci sıralarda yerləşir.
Modern.az
