Modern.az

Doktorantura və dissertantura imtahanı verəcək şəxslərə vacib XƏBƏR

Doktorantura və dissertantura imtahanı verəcək şəxslərə vacib XƏBƏR

27 Fevral 2024, 13:04

Dövlət İmtahan Mərkəzi (DİM) doktorantura və dissertantura səviyyəsində xarici dil fənnindən danışıq bloku üzrə imtahan verəcək şəxsləri “İmtahana buraxılış vərəqəsi”ni çap etməyə çağırıb.

Modern.az-ın məlumatına görə, DİM bildirib:

“Məlum olduğu kimi, danışıq bloku üzrə imtahan 4 mart 2024-cü il tarixində keçiriləcək. Danışıq bloku üzrə qiymətləndirmə şifahi formada kompüter proqramı vasitəsilə həyata keçiriləcək. 

İştirakçılar “İmtahana buraxılış vərəqəsi”ni bu linkdən çap edə bilərlər:

İştirakçılar imtahana gələrkən şəxsiyyətini təsdiq edən sənədin əslini və “İmtahana buraxılış vərəqəsi”ni mütləq gətirməlidirlər.

Göstərilən sənədlərdən hər hansı biri olmazsa və ya sənədlər arasında uyğunsuzluq olarsa, iştirakçı imtahana buraxılmayacaq. 

İştirakçılar kompüter proqramının “Demo” versiyası ilə aşağıdakı linkdən tanış ola bilərlər:

//xaricidil.dim-webinar.info/

İştirakçılara danışıq bloku üzrə ümumi məlumat və imtahan qaydaları ilə yaxından tanış olmaq tövsiyə olunur”.

Telegram
Hadisələri anında izləyin!
Keçid et
Əliyev Putinlə görüşə gedir