Modern.az

Ağdərədə ilk buraxılış imtahanı keçirildi - YENİLƏNİB

Ağdərədə ilk buraxılış imtahanı keçirildi - YENİLƏNİB

Təhsil

3 Mart 2024, 15:20

Martın 3-də Dövlət İmtahan Mərkəzinin Ağdərə rayonu Talış kənd tam orta məktəbində keçirdiyi buraxılış imtahanı başa çatıb.

 

Dövlət İmtahan Mərkəzinin Bərdə regional bölməsindən Modern.az-a bildirilib ki, bu, işğaldan azad olunmuş Ağdərə rayonunda təşkil edilən ilk imtahandır. İmtahanın idarə olunmasına 1 imtahan rəhbəri, 1 bina nümayəndəsi cəlb olunub. Bir şagirdin iştirak etdiyi imtahan hər yerdə olduğu kimi, saat 11:00-da başlayıb və 3 saat davam edib.

 

Xatırladaq ki, martın 3-də Dövlət İmtahan Mərkəzi tərəfindən Bakı şəhərinin Qaradağ, Binəqədi, Xətai, Suraxanı, Pirallahı, Yasamal rayonlarında, Abşeron, Gəncə - 1, Goranboy, Göygöl, Naftalan, Şəmkir, Gədəbəy, Şirvan, Hacıqabul, Neftçala, Salyan, Ucar, İsmayıllı, Kürdəmir, Ağsu, Zərdab, Lənkəran, Cəlilabad, Astara, Bərdə, Tərtər, Yevlax, Ağdərə (Talış kənd tam orta məktəbi), Şəki, Oğuz, Qəbələ, Xaçmaz, Siyəzən və Şabran rayonlarında, Çilov adasında yerləşən 131 nömrəli tam orta məktəbdə, eləcə də tədrisi ingilis və fransız dillərində aparılan ümumtəhsil müəssisələrinin məzunları üçün tam orta təhsil səviyyəsi üzrə buraxılış imtahanı keçirilir.

 

Respublikanın 30 şəhər və rayonunda təşkil olunan imtahanda ümumilikdə 52 min 267 şagirdin iştirakı nəzərdə tutulub.

 

***

10:07

 

Bu gün Ağdərə rayonu, Talış kənd tam orta məktəbində də buraxılış imtahanı keçiriləcək.

 

Modern.az-a bu barədə Dövlət İmtahan Mərkəzindən (DİM) bildirilib.

 

Bu, DİM-in işğaldan azad olunan Ağdərə rayonunda təşkil edəcəyi ilk imtahandır.

 

İmtahanlarda iştirak edəcək nəzarətçilər, imtahan rəhbərləri, mühafizə əməkdaşları ilə təlim-seminarlar keçirilib. Bütün imtahan binalarına baxış keçirilib, imtahan zallarında abituriyentlərin rahat şəkildə imtahan verməsi üçün zəruri şərait yaradılıb.

 

İmtahan saat 11:00-da başlanır. İmtahanın başlanmasına 15 dəqiqə qalmış – saat 10:45-də buraxılış rejimi başa çatır. Bundan sonra gələn iştirakçılar imtahan binasına buraxılmır.

 

Təhlükəsizliyin təmin edilməsi məqsədilə imtahan mərkəzlərinə təkrar baxış da keçirilir və imtahan zalları, giriş-çıxış qapıları, binalar daha əvvəl möhürlənməklə Daxili İşlər Nazirliyi Baş Mühafizə İdarəsinin əməkdaşlarının mühafizəsinə verilib.

 

Qeyd edək ki, bu gün ölkə üzrə 52 mindən çox şagird buraxılış imtahanı verəcək. İmtahan Bakı şəhərinin Qaradağ, Binəqədi, Xətai, Suraxanı, Pirallahı, Yasamal rayonlarında, Abşeron, Gəncə - 1, Goranboy, Göygöl, Naftalan, Şəmkir, Gədəbəy, Şirvan, Hacıqabul, Neftçala, Salyan, Ucar, İsmayıllı, Kürdəmir, Ağsu, Zərdab, Lənkəran, Cəlilabad, Astara, Bərdə, Tərtər, Yevlax, Ağdərə (Talış kənd tam orta məktəbi), Şəki, Oğuz, Qəbələ, Xaçmaz, Siyəzən və Şabran rayonlarında, Çilov adasında yerləşən 131 nömrəli tam orta məktəbdə, eləcə də tədrisi ingilis və fransız dillərində aparılan ümumtəhsil müəssisələrinin məzunları üçün tam orta təhsil səviyyəsi üzrə baş tutacaq.

Twitter
Sizə yeni tvit var
Keçid et
ANBAAN: Ermənistan Müdafiə Nazirliyinin binası partladılıb