Modern.az

DSX-nin Xüsusi Məktəbinə imtahan keçirilib - YENİLƏNİB

DSX-nin Xüsusi Məktəbinə imtahan keçirilib - YENİLƏNİB

Təhsil

14 Aprel 2024, 15:20

Dövlət Sərhəd Xidmətinin Xüsusi Məktəbinin V sinfinə qəbul imtahanı keçirilib.

 

Bu barədə Modern.az-a Dövlət İmtahan Mərkəzindən məlumat verilib.

 

İmtahan Bakı şəhərində 5 binada təşkil olunub. İmtahanın idarə olunmasına 11 imtahan rəhbəri, 5 ümumi imtahan rəhbəri, 107 nəzarətçi, 10 buraxılış rejimi əməkdaşı cəlb edilib.

 

Aprelin 15-dən etibarən DİM-də imtahan protokolları və cavab kartlarının emalı aparılacaq. İmtahan nəticələri yaxın 2-3 gün ərzində elan olunacaq.

 

***

09:25

 

Dövlət İmtahan Mərkəzi (DİM) aprelin 14-də Dövlət Sərhəd Xidmətinin Xüsusi Məktəbinin V sinfinə qəbul imtahanı keçirir.

 

Bu barədə Modern.az-a DİM-dən məlumat verilib. Bildirilib ki, imtahanda 1102 şagirdin iştirak edəcəyi nəzərdə tutulur.

 

İmtahan Bakı şəhərində təşkil olunur və saat 11:00-da başlanacaq. İmtahan binasına buraxılış saat 10:45-də başa çatır və bundan sonra gələn şagirdlər imtahana buraxılmırlar. İmtahan binasına buraxılış vərəqəsində qeyd olunan vaxtda gəlmək lazımdır.

 

Şagirdlər imtahana aşağıdakı sәnәdlәri gәtirmәlidirlər:

 

- şәxsiyyәt vәsiqәsini (vəsiqədə şəkli olmayan şagirdlər tәhsil aldıqları tәhsil müәssisәsi tәrәfindәn verilәn arayışı (arayışa şagirdin 3x4 ölçülü şәkli yapışdırılır vә şәkil möhürlә tәsdiqlәnir);

 

- imtahana buraxılış vәrәqәsini.

 

Sənədlərdən biri olmadıqda və ya sənədlər arasında uyğunsuzluq olduqda namizəd imtahana buraxılmır. Buraxılış vərəqəsində imtahanın keçiriləcəyi yer, bina, zal, başlanma vaxtı və şagirdin imtahan binasına gəlmə vaxtı qeyd olunub.

 

Test imtahanı Azərbaycan dili və riyaziyyat fənləri üzrə Azərbaycan dilində aparılır. Hər fənn üzrə şagirdlərə 30 qapalı tipli sual təqdim edilir. İmtahanın müddəti 90 dəqiqədir.

 

İmtahanın keçirilməsi üçün 5 bina ayrılıb. İmtahanın idarə olunmasına 11 imtahan rəhbəri, 5 ümumi imtahan rəhbəri, 107 nəzarətçi,10 buraxılış rejimi əməkdaşı cəlb edilib.

Telegram
Hadisələri anında izləyin!
Keçid et
Rusiya şokda-Ukrayna dağıdıcı raketlərlə hücuma keçdi