Modern.az saytı Daxili Qoşunların yeni komandanı general-mayor Şahin Məmmədovun tərcümeyi-halını oxucuların diqqətinə çatdırır. Tərcümeyi-hal “Media forum”a Daxili Qoşunların mətbuat xidmətindən verilib.
Şahin Məmmədov 1961-ci il yanvarın 10-da Qazax rayonunda doğulub.
1979-1982-ci illərdə hərbi xidmətdə olub.
1986-cı ildə SSRİ Daxili İşlər Nazirliyinin Saratov Ali Hərbi Komandirlər Məktəbini bitirib.
1982-1992-ci illərdə SSRİ Daxili Qoşunlarının müxtəlif hərbi hissələrində çalışıb.
1992-ci ildən Azərbaycanın Daxili Qoşunlarında xidmətə başlayıb. Müxtəlif bölgələrdə Daxili Qoşunların hərbi hissə komandiri işləyib.
2011-ci ilin martından general-mayordur.
Daxili Qoşunların komandanı vəzifəsinə təyin edilənədək uzun müddət Daxili Qoşunların qərargah rəisinin birinci müavini olub.
2013-cü ilin noyabr ayının 15-də Daxili Qoşunların komandanı təyin edilib.
Dövlət başçısının qərarları ilə müxtəlif ali mükafatlara layiq görülüb.
Modern.az
