Bakı Dövlət Universitetində (BDU) bir sıra ixtisasların illik təhsil haqqı bahalaşıb.
Modern.az-ın məlumatına görə, ixtisasların qiyməti ötən illə müqayisədə 100 manat artıb.
Belə ki, ötən il illik təhsil haqqı 2000 manat olan coğrafiya müəllimliyi, fizika müəllimliyi, informatika müəllimliyi, riyaziyyat müəllimliyi, biologiya müəllimliyi, kimya müəllimliyi, fizika, geologiya, kompüter elmləri, riyaziyyat, mexanika, geologiya və geofizika mühəndisliyi, geomatika və geodeziya mühəndisliyi, kimya mühəndisliyi, mədən mühəndisliyi, meliorasiya mühəndisliyi, mühəndis fizikası, hidrometrologiya, coğrafiya və sair ixtisasların qiyməti bu il 2100 manat olacaq.
Rus bölməsi ilə birgə aparılan ixtisasların da qiymətinda 100 manat artım var.
