14 avqust tarixində riyaziyyat, informatika, musiqi, rus dili, fransız dili, texnologiya, Azərbaycan dili və ədəbiyyat fənləri üzrə müəllimlərin işə qəbulu üzrə müsahibələr təşkil olunub.
Bu barədə Modern.az-ın sorğusuna cavab olaraq İnsan Resursları Mərkəzindən bildirilib.
Qeyd olunub ki, müsahibələrə Naxçıvan Muxtar Respublikası üzrə 49 nəfər olmaqla, ümumilikdə 978 nəfər dəvət olunub. Onlardan 796 nəfər müsahibə mərhələsində iştirak edib.
Xatırladaq ki, namizədlər şəxsi səhifəsində qeyd olunan tarixdə müsahibə mərhələsində iştirak etmədiyi halda bu, tutduğu vakant yerdən imtina kimi qeydə alınacaq və həmin namizədlərin müddətli müqavilə ilə işə qəbul turlarında iştirakı təmin olunmayacaq.
