Rusiya prezidenti Vladimir Putinin təyyarəsi bir müddət öncə “Şirak” beynəlxalq hava limanına enib. Modern.az saytı Ermənistan KİV-nə istinadən bildirir ki, Rusiya dövlət başçısının səfəri ölkənin ikinci böyük şəhəri Gümrüdən başlayıb. O, səfər zamanı Ermənistan prezidenti Serj Sərkisyanla 102-ci Rusiya hərbi bazasına baş çəkəcək və Rusiya-Ermənistan beynəlxalq regional forumunda iştirak edəcək.
Yerevanda isə ikitərəfli əməkdaşlığa həsr olunan görüşdə əsas məsələ kimi Ermənistanın Gömrük İttifaqına üzvlüyü ilə bağlı Sərkisyanın sentyabrın 3-də Moskvaya səfəri zamanı əldə olunan razılaşma ətrafında fikir mübadiləsi aparıacaq.
Qeyd edək ki, Putinin səfərinə etiraz olaraq Yerevanda irimiqyaslı yürüşlər təşkil olunub.
Modern.az
