Ümumi təhsil müəssisələrinin 2024-2025-ci tədris ili üçün tədris planları təsdiqlənib.
Modern.az xəbər verir ki, bu barədə elm və təhsil naziri Emin Əmrullayev əmr imzalayıb.
Əmrə əsasən, Naxçıvan Muxtar Repsublikasının Təhsil Nazirliyinə, Azərbaycan Respublikası Elm və Təhsil Nazirliyinin yanında Məktəbəqədər və Ümumi Təhsil üzrə Dövlət Agentliyinə, onun yerli bölmələrinə Fəaliyyət Planı təsdiq edib icrasını ciddi nəzarətdə saxlamaq tapşırılıb.
Sənədə əsasən, 2023-2024-cü tədris ilində ayrı-ayrı fənlər üzrə proqram materiallarının mənimsənilməsindəki çatışmazlıqların aradan qaldırılması məqsədilə müvafiq tədbirlər görüləcək.
Əmrin icrasına nəzarət elm və təhsil nazirinin müavini Həsən Həsənliyə həvalə olunub.
