Məktəbdə ilk dəfə körpələri qəbul edib Ana, Vətən sözlərini yazmağı öyrədən, ədəb-ərkan aşılayan gözəl müəllimlərimiz! Dəyərli müəllimlərimiz! Bilmirsinizmi, o balaca fidanların dilində, qəlbində əbədi varsınız "MƏNİM İLK MÜƏLLİMİM!", - deyə.

Bir şeirdə deyildiyi kimi, onlar həmişə Sizi belə xatırlayacaq:

“Ömrümə bir çıraqsan,
Arzuma bir soraqsan,
Yaddan çıxmayacaqsan,
Mənim ilk müəllimim”.

Bu gün belə müəllimlərdən biri - Mərkəzi Aran Regional Təhsil İdarəsi üzrə Yevlax şəhər Mirzə Ələkbər Sabir adına 2 saylı tam orta məktəbin ibtidai sinif müəllimi Jalə Həsənovanın doğum günüdür.

Jalə müəllimə ictimai-fəal, kreativ düşüncə və fəaliyyətli bir pedaqoqdur. Yaxşı müəllim kimi onu pedaqoji ictimaiyyət tanıyır və həmişə dəyərləndirir. Müəllim-şagird kollektivlərinin və valideynlərin sevimlisidir.

J.Həsənova təhsillə bağlı bir neçə assosiasiya və qrumlarda koordinator, eyni zamanda, Yeni Azərbaycan Partiyası fəalıdır. Daimi olaraq mətbuatda, sosial şəbəkədə öz iş təcrübəsi və sinfində apardığı vətənpərvərlik tərbiyəsi barədə maraqlı maarifləndirici diskusiyalar açır. Yenilikçldir. Təlimin ən yeni üsul və metodlarını işinə gətirir.

Jalə xanım həm də gözəl ailə başçısıdır. İki övladı var. Qızı ali təhslilli ingilis dili müəllimi, oğlu isə tələbədir. Bu əziz gün münasibətilə dəyərli həmkarımızı təbrik edib, ona uğur, can sağlığı və gözəl günlər arzulayırıq.

Dərin hörmətlə: Səxavət Tağlar,
Əməkdar müəllim, Prezident təqaüdçüsü