Dövlət İmtahan Mərkəzi (DİM) Səriştə və peşəkar potensialın qiymətləndirməsi şöbəsinin Ümumi səriştələrin qiymətləndirməsi sektoruna böyük məsləhətçi axtarır.

Modern.az xəbər verir ki, DİM bunun üçün vakansiya elan edib.

Vəzifənin qulluq funksiyaları aşağıdakı tələblərdir:

- Situasiya mühakimə testləri üzrə tapşırıqlar hazırlamaq, digər əməkdaşların hazırladıqları test tapşırıqlarının ekspertizasında iştirak etmək

- Qiymətləndirmə mərkəzi metoduna daxil olan müxtəlif qiymətləndirmə alətləri (rol oyunları, qərarvermə testləri, simulyasiya tapşırıqları və s.) hazırlamaq

- Ümumi səriştələrin ölçülməsi üzrə alətlərin hazırlanması üçün dövlət qulluqçuları ilə müsahibələr keçirmək, real iş situasiyalarından ibarət məlumat bazası yaratmaq

- Ümumi səriştələr və digər mövzular üzrə dövlət qulluqçularına təlimlər keçmək

- Müxtəlif qiymətləndirmə alətlərinin hazırlanması üzrə təşkilatdan kənar test müəllifləri ilə əməkdaşlıq etmək, onların hazırladıqları alətlərin ekspertizasında iştirak etmək

- Ümumi səriştələrin qiymətləndirilməsi üzrə elektron imtahanların proqram təminatı üçün texniki tapşırıqlar hazırlamaq

- Səriştə əsaslı müsahibələri keçirmək

- İngilis dilindən mətnləri tərcümə etmək

- Yeni fəaliyyətə başlayan və ya aşağı vəzifədə çalışan əməkdaşlara mentorluq etmək

- Aktual mövzular üzrə seminarların məzmununu hazırlamaq və prosesi təşkil etmək

- Layihələrə koordinatorluq etmək

İş axtaranın menecment, psixologiya, sosiologiya ixtisasları üzrə ali təhsili, həmin sahələr üzrə üzrə ən az 2 il iş stajı, kompüter bilikləri (MS Windows, MS Office), xarici dil biliyi (İngilis dili – B2) olmalıdır.

Şəxs məlumatların effektiv emalı, qərar vermə bacarığı, nəticəyönümlülük, komandada işləmək bacarığına malik olmalıdır.

Vakansiya üzrə müraciət etmək istəyən şəxslər "Kadr uçotunun şəxsi vərəqəsi"ni hr@dim.gov.az elektron poçt ünvanına mövzu bölməsində “Ümumi səriştələrin qiymətləndirməsi sektorunda böyük məsləhətçi” qeyd etməklə  11 mart 2025-ci il tarixinədək göndərə bilərlər.

Kadrlar uçotunun şəxsi vərəqəsindən fərqli formada göndərilən müraciətlərə baxılmayacaq.