Martın 2-də keçirilən buraxılış imtahanının maksimum nəticə göstərən Bakı məktəblilərindən biri də Gülay Mürvətovadır.
Bakı şəhəri 54 nömrəli tam orta məktəbin şagirdi Modern.az-a açıqlamasında deyib ki, maksimal nəticə onun üçün sürpriz olub.
“Yüksək nəticə əldə edəcəyimi gözləyirdim, amma maksimal nəticə mənim üçün də sürpriz oldu”, - o bildirib.
Şagirdin sözlərinə görə, imtahana hazırlıq prosesi çətin olub: "Hər bir abituriyent kimi mənim üçün də bu proses stresli keçirdi. Biraz çətin şərait idi, imtahana az müddət qalanda oxuma saatlarını artırdım. Bundan sonra təhsilimi Dövlət İdarəçilik Akademiyasında hüquqşünaslıq ixtisası üzrə davam etdirmək istəyirəm”.
